sexta-feira, 28 de outubro de 2016

HORA TCHIGA: MCCI — Manifestação dia 5, frente ao Palácio

BU STA INCONFORMADO? DJUNTA CU NOS...
CONVOCATORIA PA MANIFESTACAO A FRENTE DE PALACIO DIA 05 DE NOVEMBRO DE 2016

NO NA PIDI TUDU ESTUDANTES CU TUDJIDU ESCOLA PABIA DE GREVE;
NO NA PIDI TUDO PAPES CU SE FIDJUS CA PUDI BAI ESCOLA PABIA DE GREVE;
NO NA MIDI TUDO MAMES CU SE FIDJUS NA MURRI DI FOMI CU DUENXA;
NO NA PIDI TUDU TARBADJADURIS CU NA MURRI DI DUENXA SIM DINHERU PA CUMPRA MEXINHU;
NO NA PIDI TUDO FAMILIAS CU NA PASSA FOMI CU BORGONHA DI CA PAGA RENDA PABIA DI MAU CONDICAO DI VIDA;
NO NA PIDI TUDU PORSSORIS CU TUDJIDU BAI DA AULAS PABIA DI FALTA DI CUMPRIMENTO DI SE DIREITOS;
NO NA PIDI TUDU FORMADU CU CABA I CA OTCHA TARBADJU PABIA DI DISORGANIZACAO DES TERRA;
NO NA PIDI TUDU FIDJUS DES TERRA, CU NA BARDADI GOSTA DES TERRA
PA E DJUNTA CU NOS PROXIMO SABADO, DIA 05 DE NOVEMBRO, DIANTI DI PALACIO DE REPUBLICA, PA PIDI DISSOLUCAO DI ASSEMBLEIA NACIONAL POPULAR I REALIZACAO DE ELEICOES LEGISLATIVAS, PA TORNA POVO PODER SUMA UNICO VIA PA SAIDA DES CRISE CU POLITICOS MITINU NEL.

NO BAI TUDU NA PAZ CU CIVISMO, SIM COBA MAL, SIM USA VIOLENCIA, NO BAI FIRMA DIANTI DI PALACIO ATE DIA CU NO TENE RESPOSTA.

ATE PA NO MURRI NA CASA SIM FACI NADA PA MUDA SITUACAO I MINDJOR NO MURRI NA LUTA PA NO DIREITO.
SI BU TA RIVI NES LUTA NO NA PIDIU PARTILHA ES MENSAGEM I BIM DJUNTA CU NOS PROXIMO SABADU DIANTI DI PALACIO A PARTIR DE PARMANHA.

APELO DE CIDADÃOS CONSCIENTES E INCONFORMADOS